أقلام
أخر الأخبار

في مرض أكل حياتنا أكل، ومنتشر بيناتنا بشكل كبير جداً، وهو آفة ومرض " السطحية"

في مرض أكل حياتنا أكل، ومنتشر بيناتنا بشكل كبير جداً، وهو آفة ومرض ” السطحية”

|| سطحية بالعلاقات مع الناس، وفهمنا للحياة بطريقة أنانية، انّه نفسي نفسي والباقي يموت مع ألف سلامة، وهادا كلو بنافي دينا اللي بوصينا على سابع جار، فما بالك بأول أخ، وأول أخت، وأول صديق، وأول عم، وأول …

|| سطحية بأخذ المعلومة من أي حد ماشي بالطريق، حتى لو بفهمش حاجة ولا مختص ولا ما يحزنون، وبنصير نردد فيها ونصرْ عليها وكأنها كتاب مقدس نازل من عند ربنا، ولو فتحنا مخنا شوية وفكرنا بالموضوع بعمق وقرأنا وبحثنا شوية، هنضحك على حالنا، علشان كُنا مسكرين على مخنا بالمفتاح، خوف ما تتغير ملامحه.

|| سطحية بفهم الحياة وغاية وجودنا في الدنيا، إنّه نآكل ونشرب، ونشتغل ونجمع فلوس وخلص، مش غلط تعمل كل الكلام اللي قبل، بس الغلط انه تقتصر حياتك فيه فقط، وين عطاءك، وين مساعدتك، وين تنفع الناس بعلمك، وين تربيتك لأبنائك، ووين وين ووو…

|| سطحية بالقراءة، لمن نقرأ كتاب بنفكر حالنا وصلنا للقمة بالفهم، وبنصير نطلع عالناس من فوق واحنا مش شايفينهم، وانه احنا اللي بنفهم والباقي أقل منا بكل شي، أبداً ولا عمره هيك، القراءة كُل ما قرأت أكثر كُل ما حسيت بمساحة الجهل الكبيرة اللي كانت مليانة بدماغك، وإنه بإمكانك تقلص هاي المساحة، بس مش هتمسحها خالص، حتى لو كنت أفلاطون العصر.

|| سطحية بالظهور لمن حد ما عنده هدف ولا محتوى، ويكون عنده ألف ولا ألفين ولا حتى 50 ألف متابع على مواقع التواصل الاجتماعي، بفكر حاله إنه صار اشي مهم كتير وإنه الكون واقف عليه، وفعلياً مش عارف إنه القيمية الحقيقية لمن تأثر في الناس بطريقة صح، إنه لمن ترحل من هالدنيا يكون الك بصمة حقيقية إيجابية.

|| سطحية بفهم الدين، اللي مينفعش ناخد جزأ ونسيب كل الأجزاء، الدين مش بس منظر وشكل وعبادات، الدين كمان أخلاق، يعني مش إنك تكون منيح مع صحابك وبالدار بتعوذوا منك أول ما تخطي رجلك عتبة البيت، الدين كيف تحب، كيف تنام، كيف تحكي، كيف تتخطى ضيقك، كيف تلبس، كيف وكيف ….، واللي بيسبقك بأخلاقه بيسبقك بالدين.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى